The Panelists

Carlomar Arcangel Daoana --Nagtapos ng kursong Panitikan si Carlomar Arcangel Daoana sa Unibersidad ng Santo Tomas. Noong nakaraang taon, nakamit niya ang unang gantimpala sa Tula (kategoryang Ingles) sa Carlos Palanca Memorial Awards for Literature. Nakapagsulat siya ng tatlong libro ng mga tula sa Ingles: Marginal Bliss (UP Press, 2002), The Fashionista's Book of Enlightenment (DBW, 2009) at Clairvoyance (UST Publishing House, 2011). Sa kasalukuyan, nagko-contribute si Carlomar sa Manila Bulletin at sa iba't ibang magasin.

Chuckberry Pascual -- Nagtapos ng BA Malikhaing Pagsulat at MA Araling Pilipino sa UP Diliman. Kasalukuyan siyang kumukuha ng doktorado sa Malikhaing Pagsulat sa parehong unibersidad.

Naging fellow for fiction in Filipino siya sa UST (2003), Ateneo (2004), at UP (2005 at 2013) National Writers’ Workshops, UST Summer Creative Writing Workshop 2012, fellow for multi-art criticism sa Kritika 2012: National Workshop on Art and Cultural Criticism ng NCCA at Bienvenido N. Santos Creative Writing Center ng DLSU.

Ang kanyang mga maikling kuwento, personal, at kritikal na sanaysay ay nailimbag sa Likhaan 3 at 4, Philippine Studies, Philippine Humanities Review, Daluyan, Literary Apprentice, Ani, at Tomas. Kabilang rin ang kanyang mga akda sa mga antolohiyang Querida: An Anthology (2013), Kathang-isip: Mga Kuwentong Fantastiko (2011), Talong/Tahong: Mga Kuwentong Homoerotiko (2011), at Mga Kuwentong Paspasan (2007).

Isa siya sa mga nagtatag ng Kuliti, grupo ng mga kabataang manunulat ng erotika, at isa sa mga editor ng Kuliti (2007) at Kuliti: Pagtatanggol sa Pag-ibig (2008). Ang kanyang mga dulang may isang yugto ay naitanghal sa Virgin Labfest 6 ("Matyag," kolaborasyon) at 8 ("Alejandro"). Siya ang awtor ng Hindi Barbra Ang Ngalan Ko (2011) (http://hindibarbraangngalanko.wordpress.com) at 5EX (2012) (http://www.ybb.ph/2012/11/5ex.html).